Трамп: Ќе испратиме повеќе оружје во Украина, мора да можат да се бранат

Американскиот претседател Доналд Трамп изјави во вторникот дека САД ќе испратат повеќе оружје во Украина, првенствено одбранбено, за да ѝ помогнат на земјата разурната од војна да се одбрани од руските напади.

Одлуката на Вашингтон да ги запре некои испораки на оружје за Киев ги поттикна стравувањата дека овој потег ќе ја ограничи способноста на Украина да се брани од руските воздушни напади и да напредува на бојното поле, а воедно ќе предизвика и критики од демократите и некои од републиканските колеги на Трамп.

„Ќе испратиме повеќе оружје. Мораме. Тие мора да бидат способни да се одбранат“, им рече Трамп на новинарите во Белата куќа на почетокот од вечерата со израелскиот премиер Бенјамин Нетанјаху.

„Тие сега се лошо погодени“, додаде тој. „Ќе мора да испратиме повеќе оружје, првенствено одбранбено оружје.“

Share on Facebook

Tweet

Follow us

Save