INFOMAX.MK

Министре, кажете ја вистината – Карпош ве разобличи!

Министерот за спорт, со своите несреќни изјави пренесени преку партиски медиуми, уште еднаш не потсети како функционира матрицата на заробена држава – нешто што неговата партија многу добро знае да го практикува. – вели во објава на Фејсбук градоначалникот на Карпош, Стевчо Јакимовски.

Во продолжение целосната објава на Јакимовски:

Во изминативе денови, веќе нема кој не се увери:

Салата „Наум Наумовски – Борче“ беше примопредадена на Општина Карпош со бројни недостатоци.

И покрај тоа, низ бројни примери и настани се виде дека таму континуирано се одржуваат домашни и меѓународни спортски настани.

Само министерот за спорт, водејќи се од онаа позната „сто пати повторена лага станува вистина“, упорно ја лаже јавноста, без око да му трепне.

⸻

Министре, како поранешен спортист, овие прашања би требало да ви се прелесни:

Како може во „затворена сала“ да се одржи меѓународен турнир со учество на педесетина држави од целиот свет?

Како може организаторите на тој турнир да ми доделат Благодарница за поддршката од општината, ако салата е „затворена“?

⸻

Наместо да се извините на јавноста и да побарате Владата да ја повлече одлуката, вие инсистирате да продолжите со лагите.

Со тоа само покажувате како функционира еден нездрав политички систем, управуван од вашата партија.

Како централна власт, вие ја поседувате сета моќ во државата, па лесно си носите какви сакате одлуки – без разлика дали се исправни, правични или водени од интересите на граѓаните.

Вашите медиуми се тука да ги шират лагите. А секој што ќе ви се спротивстави – го елиминирате со сила, затоа што не знаете со идеи и проекти да победувате.

⸻

Министре, не вршите насилство врз мене – туку врз карпошани!

Се обидувате да им го украдете култниот спортски објект каде што израснаа генерации.

А, за што? За вашите бизнис интереси.

Не го нападнавте Јакимовски – удривте по Советот на Општина Карпош и по граѓаните!

⸻

Министре, треба да ви биде јасно:

Како министер – немате луксуз да ја лажете јавноста.

Со повеќекратното повторување на истите лаги, покажувате дека не само што не се каете, туку тоа свесно го правите. А тоа ве прави недостоен за функцијата што ја извршувате.

⸻

За крај – еден совет: