Шест куќи изгореа, малолетник повреден – луѓе се гушеле од чад!

Страшен пожар синоќа ја зафати улицата Скупи во скопската населба Злокуќани, при што изгореле шест куќи, а уште две биле зафатени од огнената стихија. Малолетно лице е повредено и итно пренесено во болница, а вкупно шестмина завршија со лекарска помош поради вдишување густ чад, информираше Министерството за внатрешни работи.

Трагедијата се случила на 13 јули околу 20 часот, а според полицијата, освен повредениот малолетник, во болница биле пренесени и Ш.С. (34), Р.С. (69), Х.Х. (49), како и тројца полициски службеници кои се обиделе да помогнат во спасувањето.

Пожарот го гаснеле екипи од Противпожарната бригада на Град Скопје, а според првичните информации, причините за избувнувањето се сè уште непознати.

Граѓаните од Злокуќани сè уште се во шок, а дел од нив останале без покрив над глава. Сцените од местото на настанот сведочат за вистински кошмар – чад, пепел и уништени домови.

Истрагата е во тек.

Share on Facebook

Tweet

Follow us

Save