Екстремните горештини во БиХ ги „стопија“ железничките шини

Граѓаните на Бања Лука, како и на цела Босна и Херцеговина, деновиве се соочуваат со екстремно високи температури, поради што метеоролозите од Хидрометеоролошкиот институт на БиХ издадоа итно предупредување.

Според официјалните податоци, денес во 14 часот во Бања Лука се измерени дури 38 степени Целзиусови, а се очекува топлината да трае до крајот на денот.

Високите температури веќе оставија последици, па во населбата Пискавица во Бања Лука, железничката пруга се искривила од топлината, јавува Радио Сараево.

Медиумот објави фотографија од свитканите шини поради пеколното време.

Сепак, од надлежните служби одговориле дека и покрај деформацијата на железницата, засега нема проблеми со железничкиот сообраќај на овој дел.

Share on Facebook

Tweet

Follow us

Save