Бугарски медиум: Цело семејство Лефкови се бугарски државјани, а Миле го брани Мицкоски од „бугарските служби“
Миле Лефков – пратеник и член на Извршниот комитет на владејачката партија во Скопје, ВМРО-ДПМНЕ, кој неодамна изјави дека бугарските служби водат операција за дискредитација на премиерот на Северна Македонија, Христијан Мицкоски – се покажува како осамен Македонец во големо целосно бугарско семејство во Кочани, јавува бугарскиот дневен весник „24 часа“.
Околу 20-на Лефкови од Кочани, сите први и втори братучеди, како и неговиот брат Иван, се бугарски државјани кои поминале низ постапка во која декларирале дека имаат дедо Бугарин и дека и самите се чувствуваат како Бугари. Во исто време, партијата на Миле Лефков се противи сите луѓе во Република Северна Македонија (РСМ) кои се изјаснуваат како Бугари, да бидат внесени во Уставот, пишува „24 часа“.
