Заев демантира поврзаност со осомничениот за потпалување пожар Николов

Поранешниот премиер Зоран Заев ги демантираше тврдењата дека Александар Николов, лицето за коешто вчера МВР соопшти дека е приведено под сомнение дека подметнувал пожар во струмичко, бил него возач додека тој бил градоначалник на Струмица.

„Александар Николов е вработен во општина Струмица. Јас бев градоначалник на Струмица до 2016 година и во периодот од 12 години колку што бев градоначалник, шофер на градоначалникот (т.е. мој шофер) беше Ристо Ѓузелов до неговото пензионирање, а после тоа беше Кире Ангелов.

Александар Николов во тоа време, колку што се сеќавам, работеше на портирницата во општината и беше возач на општинско возило за потребите на општинските инспекции и останати општински служби за теренските активности. По завршувањето на мојот градоначалнички мандат го немам воопшто видено Александар Николов“, истакна Заев во изјава за „Фокус“.

Share on Facebook

Tweet

Follow us

Save