Вучиќ: Голем пакет мерки за поддршка на граѓаните од 1 септември

Претседателот на Србија, Александар Вучиќ, најави „голем пакет мерки“ од 1 септември за, како што изјави, „луѓето кои припаѓаат на пониската, средна класа и кои се малку посиромашни“.

„Ќе обрнеме посебно внимание и ќе започнеме со иницијативата за измена на Уставот на Србија, што се однесува на неможноста извршителите во извршна постапка да им го одземат просторот за живеење, станот или куќата на луѓето кои го имаат тоа единствено место каде што живеат со своето семејство. Ова ќе донесе повеќе правда и поголема безбедност за граѓаните“, рече Вучиќ во објава на Инстаграм.

Тој рече дека државата се обидува да ги зголеми платите и пензиите над стапката на инфлација.

„Ќе се погрижиме цените на најважните производи во продавниците да бидат пониски, ќе се погрижиме кредитите да бидат поевтини, каматните стапки да бидат пониски отколку што се денес“, рече Вучиќ.

Share on Facebook

Tweet

Follow us

Save