„Само“ 15 проценти: Џабе се познаваат со Лутник, повторно високи царини од САД за Македонија

Министерот за надворешни работи и надворешна трговија, Тимчо Муцунски денеска ја поздрави одлуката на САД за значително намалување на тарифите за македонски производи – од 33% на 15%.

Како што истакна во објавата на социјалните мрежи, овој чекор претставува важен поттик за продлабочување на економската соработка меѓу двете земји и јасен сигнал за градење на поамбициозно трговско партнерство.

Министерот исто така посочи дека иако преговорите за сеопфатен договор за тарифна либерализација сè уште се во тек, оваа одлука е конкретен доказ за, како што вели, заедничката посветеност на отворање нови можности за нашите извозници, компании и економијата во целина.

„Остануваме целосно посветени на финализирање на договор што ќе ги отстрани преостанатите трговски бариери и ќе создаде долгорочни придобивки за двете економии. Убеден сум дека со ова се поставуваат темелите за ново поглавје во македонско-американските економски односи, порача Муцунски.

Share on Facebook

Tweet

Follow us

Save