Грчките бизнисмени бараат начин да го намалат влијанието на царините на Трамп

Велат дека „ѓаволот е во деталите“, а оваа фраза совршено одговара за да се опише начинот на кој грчките бизнисмени се справуваат со договорот на Европската Унија со САД за царините. Со смирувањето на чувството на олеснување за избегнувањето на царините, во износ од 30%, од 1 август, сите сега го насочуваат вниманието кон „ситните букви“ и особено кон… дупките што договорот ги остава отворени за исклучоци!

Според информациите, се очекува таму да се води битката, при што грчките извозници веќе побрзаа да побараат од владата ослободување на грчките производи. Информациите што циркулираат на пазарот укажуваат дека раководството на Министерството за национална економија и финансии под Киријакос Пјеракакис е ориентирано кон формирање посебна работна група, која темелно ќе го проучи текстот на договорот, со цел да ги идентификува „прозорците“ што може да се појават, што би отворило пат за преференцијален третман на некои критични грчки производи, објави То Вима.

Ударот за некои прехранбени сектори може да изгледа одржлив на краток рок, но на долг рок постојат стравувања дека царинското оптоварување ќе го запре моментумот што го разви грчкиот извоз на најголемиот пазар во светот!

Усвојувањето на тарифите, како што велат бизнисмените, сигурно ќе создаде проблеми во извозните напори, а се чини дека некои компании ќе бидат принудени да сносат поголем товар

Share on Facebook

Tweet

Follow us

Save