Вучиќ: За неколку дена ќе биде објавена програма со мерки, ќе ги ограничиме маржите, ќе ги намалиме цените

Српскиот претседател Александар Вучиќ денес објави дека за неколку дена ќе биде презентирана нова програма за помош за граѓаните како дел од економските мерки, вклучително и ограничување на трговските маржи со цел намалување на цените, првенствено за прехранбените производи.

„Верувам дека резултатот ќе биде вкупно намалување на цените, но не за еден производ, туку за илјадници производи, групи производи. Ќе имаме десетици групи производи. Маржата мора да биде помала и очекувам дека ќе ги намалиме вкупните цени во Србија за повеќе од 15-20 проценти. Прво, зборувам за овој дел од храната, значи од житарки, леб, масло, брашно, сè друго што е потребно, значи она што ви е најпотребно за секојдневниот живот, до безалкохолните пијалоци, до сето тоа што паѓа за 20 проценти и верувајте ми, ќе успееме“, рече Вучиќ на ТВ Пинк.

Вучиќ рече дека цените во Србија се на ниво од 95 проценти од просечните цени во Европската Унија.

„Ова апсолутно не смее, не може и не е можно. Ниту цената на електричната енергија и гасот тука не е како во европските земји, ниту нивните транспортни услуги се на европско ниво, ниту нивните плати се на европско ниво што мора да им ги плаќаат на работниците тука“, рече Вучиќ.

Тој изјави дека некои синџири влегле со маржа од 18 проценти, како германскиот „Лидл“, а потоа ги зголемиле тие маржи речиси двојно. Како што рече, без разлика дали на малопродажните синџири им се допаѓало или не, ќе се работи на многу полиња за да им се овозможи на луѓето полесно да ја преживеат есента.

„Ги зедовме моделите на Унгарија, Романија и Северна Македонија, разгледавме сè што направија, сè што направија во претходниот период, за да видиме како можеме да ги намалиме цените“, рече Вучиќ. Тој, исто така, најави измени во законот за трговија.

Share on Facebook

Tweet

Follow us

Save