Русија се надева дека средбата Трамп – Путин ќе поттикне подобрување на односите со САД

Русија се надева дека претстојната средба меѓу претседателот Владимир Путин и претседателот на Соединетите Американски Држави, Доналд Трамп, ќе го поттикне нормализирањето на односите меѓу Русија и САД, објави денес ТАСС.

„Се надеваме дека средбата на високо ниво ќе даде поттик за нормализирање на билатералните односи“, изјави заменик-министерот за надворешни работи на Русија, Сергеј Рјабков.

Трамп објави дека ќе се сретне со Путин во петок, 15 август, во Алјаска. Во среда, Путин го прими специјалниот претставник на американскиот претседател, Стив Виткоф, во Кремљ, а по средбата, помошникот на рускиот претседател, Јуриј Ушаков, изјави дека Москва и Вашингтон се согласиле за договор за одржување на средбата меѓу Путин и Трамп.

Share on Facebook

Tweet

Follow us

Save