Вучиќ нема повторно да се кандидира за претседател: Не ми паѓа на памет да го менувам Уставот

Српскиот претседател Александар Вучиќ на денешната прес-конференција изјави дека парламентарните избори во неговата земја ќе бидат распишани предвремени и дека „не му паѓа на памет“ да го промени Уставот за да може повторно да се кандидира за претседател.

„Дали ќе помогнам некому и дали ќе се борам за оние за кои мислам дека можат да ја водат Србија во иднина да успеат на изборите? Секако ќе го направам тоа, но од која позиција, во овој момент, не е тема, ниту би можел самиот да го кажам“, рече Вучиќ на конференцијата со австрискиот канцелар Кристијан Штокер во Белград.

Вучиќ рече дека „за среќа“, „ниту австриските новинари ниту блокадите“ не се надлежни да распишуваат избори, туку српските институции. Тие ќе ги распишат изборите во согласност со Уставот и законите, веројатно предвремени.

„Ќе видиме што ќе каже народот на изборите“, рече Вучиќ, додавајќи дека Србија се соочува со многу агресивни протести, како оние од синоќа. Ова беа протести во кои поддржувачите на Вучиќ ги нападнаа демонстрантите со огномет, иако српската полиција тврдеше дека демонстрантите се тие што нападнале. Вучиќ ги критикуваше австриските медиуми, велејќи дека во нивното известување за протестите во Србија „не дозволиле да се чуе различно мислење“.

Share on Facebook

Tweet

Follow us

Save