Вучиќ и Додик разговарале за внатрешните и надворешните напади врз Србија и Република Српска

Српскиот претседател Александар Вучиќ разговараше во Белград со претседателот на Република Српска, Милорад Додик, за внатрешните и надворешните напади врз Србија и Српска, како и за други важни теми за српскиот народ од двете страни на реката Дрина

„Разговарав со претседателот на Република Српска, Милорад Додик, за внатрешните и надворешните напади врз Србија и Српска, како и за други важни теми за српскиот народ од двете страни на реката Дрина. Особено разговаравме за заштитата на националните интереси, националното единство и зајакнувањето на економските врски, како и за понатамошните чекори во соработката во наредниот период“, објави Вучиќ на социјалните мрежи.

Додик: Република Српска секогаш може да смета на поддршката од Србија Претседателот на Република Српска, Милорад Додик, се сретна со српскиот претседател Александар Вучиќ и во оваа пригода рече дека Република Српска секогаш може да смета на поддршката од Србија, исто како што Србија може да смета на поддршката од Српска.

„Разговарав со претседателот на Република Србија, Александар Вучиќ, за сите предизвици со кои се соочуваат Србија и Република Српска, како и за други важни теми за српскиот народ“, напиша Додик на платформата X. Тој рече дека особено разговарале за заштитата на националните интереси и националното единство на Република Српска и Србија.

„Република Српска секогаш може да смета на поддршката од Србија, исто како што Србија може да смета на нашата поддршка“, рече Додик.

Share on Facebook

Tweet

Follow us

Save