Фајненшл тајмс за протестите во Србија: Најголемата криза во мандатот на Вучиќ

Антивладините протести во Србија станаа насилни во среда, откако поддржувачите на претседателот Александар Вучиќ се судрија со демонстрантите кои бараат промена на режимот од ноември, продлабочувајќи ја најголемата криза во неговиот мандат, објавува „Фајненшл тајмс“.

Во Белград, солзавец беше испукан врз демонстрантите, а наводно насилници вооружени со палки ги претепаа антивладините активисти кои се приближија до седиштето на владејачката партија. Во Нови Сад, видео снимките покажаа истрели во воздух.

Според извештаите, десетици демонстранти и полицајци беа повредени по бранот протести во градовите низ целата земја. „Вечерва, властите конечно се обидоа да предизвикаат граѓанска војна“, соопшти на социјалните медиуми студентска група што ги организира демонстрациите, обвинувајќи ја полицијата дека ги штити лојалистите на режимот кои испукаа огномет и носеа оружје врз демонстрантите. „Нема да им дозволиме да продолжат да уништуваат човечки животи! Заедно, до победа, сите на улица!“

Share on Facebook

Tweet

Follow us

Save