Трамп: Путин нема да си „игра“ со мене, уште во првите минути ќе знам дали состанокот е успешен

Американскиот претседател Доналд Трамп, им се обрати на новинарите пред средбата со претседателот на Русија, Владимир Путин закажана за денеска во Алјаска.

Тој рече дека очекува уште во првите минути да знае дали состанокот ќе биде успешен, и дека целта на разговорите е поставување на темели за нов заеднички состанок со Путин и со Зеленски.

„Путин би ја презел цела Украина да не сум јас претседател на САД, но јас сум претседател и тој нема да си игра со мене. Веќе во првите минути ќе знам дали состанокот е успешен или не. Целта е да се постават темели за иден состанок со рускиот претседател и со украинскиот претседател заедно“, рече Трамп.

Претходно во интервју за радио Фокс, Трамп напомена дека во зависност од овој состанок, односно ако помине добро, ќе го повика и украинскиот претседател Зеленски и ќе договори нов. Исто така додаде дека шансите за состанокот да не успее се 25%. Порача дека во решавањето на прашањето за границите меѓу двете земји, ќе мора да има „отстапки од двете страни“.

Share on Facebook

Tweet

Follow us

Save