Втора жртва во несреќата на патот Битола – Ресен, загина 20 годишно момче од Охрид

Втора жртва од големата сообраќајна несреќа што се случи попладнево на патот Ресен – Битола на еден километар после Макази во правец кон Битола. Се работи за момче на возраст од 20 години од Охрид.

Од СВР Битола за битолскиот медиум „Апла.мк“ потврдуваат дека има две жртви.

Според нив прво починал 52-годишен битолчанец кој живеел во Германија, додека пак во битолската болница поради тежината на повредите починало и момчето од другата кола родено во 2005 година. Според првичните сознанија, еден од автомобилите целосно изгорел.

„На 18.08.2025 во 13,09 часот случена е сообраќајна незгода на патот АЗ Битола- Ресен кај м.в.Слечиште, помеѓу патничко возило „мерцедес“ со странски ознаки управувано од 52 годишен битолчанец со место на живеење во Германија, кој починал на лице место. Другото возило е опел со охридски ознаки во кое биле две лица на 20 годишна возраст од Охрид. Едно од двете лица родено 2005 година починало во Клиничка Болница Битола“, соопшти Сања Стаматова за „Апла“.

Неофицијално возилата претекнувале дури и на трета лента.

Share on Facebook

Tweet

Follow us

Save