Академски пленум на Србија: Полицијата веднаш да престане со заплашување и репресија врз студентите

Академски пленум на Србија остро го осудува зачестеното апсење на студенти изминатите денови и бара спречување на обидите за заплашување и репресија над студентите и останатите граѓани.

„Последните апсења на студенти на Природно-математичкиот факултет во Нови Сад, кои поради несреќни околности се најдоа зад полициски кордон, додека полицијата ги потиснуваше граѓаните кои мирно протестираа пред судот, е само доказ дека власта ѝ наредила на полицијата да ги употреби сите можни репресивни средства. Коментарот на полицијата за време на апсењата, студентите да ги водат на стрелање, не е само непрофесионално однесување, туку и обид за заплашување на сите останати студенти“ порачаа од Академскиот пленум.

Оттаму го повикаа министерот за внатрешни работи Ивица Дачиќ да спроведе независна внатрешна истрага на сите постапки на полицијата во претходните денови, а обвинителството и судот да ги пуштат на слобода сите приведени студенти.

Share on Facebook

Tweet

Follow us

Save