Претседателот на Јужна Кореја: Само Трамп може да ги подобри односите со Северна Кореја

Јужнокорејскиот претседател Ли Џае-мјунг денес изјави во Вашингтон дека американскиот претседател Доналд Трамп е единствената личност која може да постигне вистински напредок во односите со Северна Кореја.

Ли им кажа на новинарите во Белата куќа дека, според зборовите на Ким Јо Џонг, сестрата на севернокорејскиот лидер, Ким Џонг Ун има изградени добри и стабилни односи токму со Трамп. Таа, сепак, во јули ги одби неговите предлози за подобрување на меѓукорејските врски.

Потсетуваме, двете Кореи во 1953 година постигнаа примирје со кое беше прекината Корејската војна, но до денес не е потпишан официјален мировен договор.

Share on Facebook

Tweet

Follow us

Save