Лазаров: Невозможно е да победиш бундеслигаш со девет промашени седмерци!

Ракометарите на македонскиот суперлигаш Алкалоид не успеаја да се пласираат во главната рунда на Европската лига на ЕХФ, откако германскиот Хановер-Бургдорф беше подобар и на реваншот во Скопје (28-29) и си обезбеди место меѓу најдобрите. По мечот, анализа на дуелот во Скопје направи тренерот Кирил Лазаров.

„Честитки до Хановер, заслужија да победат. Јас сум разочаран, затоа што промашивме девет пенали во двата меча, а со такво нешто е невозможно да победиш тим кој долго беше лидер во Бундеслигата.

Знаевме дека се подобри од нас, но да промашиш девет пенали е многу. И така е многу тешко да победиш ривал кој знаел да ги победи Магдебург, Фуксе Берлин, Рајн Некар и други клубови…“, изјави Лазаров.

Сега фокусот на Алкалоид ќе биде во целост ставен на домашната сцена, каде тимот го чекаат обврските во Суперлигата, а потоа и во Купот на Македонија.

Share on Facebook

Tweet

Follow us

Save