Кремљ: Русија е отворена за преговори, нема договор за разговорите Путин-Трамп

Русија е отворена за разговори за Украина и би претпочитала да се реши ситуацијата преку политички и дипломатски средства, изјави портпаролот на Кремљ, Дмитриј Песков.

„Ние стоиме зад нашиот став, остануваме отворени за преговарачкиот процес (за Украина)“, изјави Песков пред новинарите. Тој истакна дека, во моментов, нема јасна временска рамка за нов разговор или лична средба меѓу рускиот лидер Владимир Путин и американскиот претседател Доналд Трамп. „Контактите навистина се во тек преку различни канали – и дипломатски канали и канали на претставници на шефовите на држави во нивните администрации.

Овој дијалог продолжува, но засега нема индикации за контакти на највисоко ниво“, рече Песков. Тој додаде дека постојат сите можности за многу брзо организирање на вакви разговори на највисоко ниво, доколку е потребно и ако шефовите на држави така одлучат.

Share on Facebook

Tweet

Follow us

Save