Орбан: Трамп го одржа ветувањето Унгарците да патуваат без виза во САД

Пријателството е важно и во политиката, изјави денес премиерот на Унгарија, Виктор Орбан по повод одлуката на САД да ги укине визите за унгарските граѓани од 30 септември.

Орбан истакна дека кога Доналд Трамп се кандидирал за втор претседателски мандат, двајцата се согласиле „да ги укинат санкциите на американската левица против Унгарија“.

– Ќе бидат потребни месеци одлуката да помине низ американската бирократска постапка, но претседателот Трамп го одржа својот збор и им даде можност на Унгарците да патуваат без виза во САД, посочи Орбан.

Тој додаде дека потребата од добивање виза е „многу незгодна“ за оние што студираат или работат во САД.

Според него администрацијата на поранешниот американски претседател Џо Бајден се обидела да ја казни Будимпешта затоа што Унгарија не се согласува со ставовите на Демократската партија за „миграцијата, полот и војната“.

Share on Facebook

Tweet

Follow us

Save