INFOMAX.MK

Во салата на Собранието во Заечар била фрлена црвена чадна бомба во големата сала во моментот кога претседавачот ја започнал седницата. Наскоро потоа бил употребен и бибер-спреј, објави „Нова“.

Во зградата имало обезбедувачи и членови на партијата на претседателот Александар Вучиќ, СНС, но во друг дел. Големата сала била заклучена, сета во чад, а се вклучил и противпожарниот аларм.

Погледајте тренутак када је опозиционар бацио димну бомбу за време седнице скупштине града Зајечара.#zajecar #sednicazajecar #sns #beograd #srbija #izbori #blokade #blokaderi #viralsrbija #viral pic.twitter.com/UVykfUmJAh

— Mileta Božić (@bozic_mileta) September 24, 2025

За денеска беше закажана седница на Собранието на Заечар која требаше да биде продолжение на конститутивната седница на која требаше да бидат потврдени мандатите. Меѓутоа, по конститутивната седница веќе била одржана и втора седница, за која опозицијата исто така тврдела дека е нелегална.

Опозицијата не дозволувала да се одржи седницата бидејќи Собранието не било конституирано во согласност со законот. Законските рокови за негово конституирање биле пробиени, а тоа го потврдил и Вишиот суд во Заечар.

Сепак, министерката за државна управа и локална самоуправа, Снежана Пауновиќ, изјавила дека не гледа никакви пречки ова Собрание да продолжи со работа.

Опозицијата побарала да се почитува Законот, да се воведе привремена управа и потоа да се распишат локални избори.

Пред салата и пред зградата биле распоредени кордони полиција и обезбедување.

Bačen suzavac u sali Skupštine Zaječara #zajecar #sednica #skupstina pic.twitter.com/AA5bmXB0d1

— Newsmax Balkans (@NewsmaxBalkans) September 24, 2025