Македонските граѓаните сè почесто избираат сметките да ги плаќаат преку мобилен телефон

Сè повеќе граѓани ги напуштаат шалтерите, а сметките ги плаќаат со мобилни апликации и картички, покажуваат најновите податоци од Народната банка за вториот квартал од 2025 година.

Во споредба со истиот период лани, електронските плаќања растат за девет проценти по број, а по вредност дури за 20,9 отсто.

Најбрзо растат трансакциите направени преку дигитални канали – 18,6 проценти повеќе плаќања и 28,3 отсто поголема вредност. Од нив, дури 71 процент се направени преку мобилни телефони, што покажува дека токму мобилните апликации се омилената алатка за граѓаните.

Сè поголема е и употребата на платежните картички, бројот на плаќањата е зголемен за 8,4%, а вредноста за 11,4%. Растот најмногу доаѓа од интернет купувањата (14,8%), но има пораст и кај плаќањата во продавниците (7,9%).

Share on Facebook

Tweet

Follow us

Save