Зеленски: Русија со дронови ја дестабилизира Европа

Украинскиот претседател Володимир Зеленски ја обвини Русија дека се обидува да ја дестабилизира Европа со користење беспилотни летала за саботажи и предизвикување немири.

Зеленски, во видео обраќање синоќа, рече дека Москва ја користи својата таканаречена „флота во сенка“ не само за финансирање на војната преку транспорт со танкери за нафта, туку и за саботажи и разни напори за поткопување на стабилноста на целиот континент.

„Неодамнешните лансирања на беспилотни летала од танкери се еден таков пример“, рече тој, повикувајќи се на разузнавачки информации од украинските надворешни служби.

Официјалните информации за потеклото на беспилотните летала неодамна забележани во земји, вклучувајќи ги Данска и Германија, сè уште не се потврдени.

Русија негираше каква било вмешаност.

Share on Facebook

Tweet

Follow us

Save