Трамп: Војната во Газа заврши, постигнат е траен мир

„Ја завршивме војната и во многу поголем обем воспоставивме мир и мислам дека тоа ќе биде траен мир, се надевам вечен мир“, рече Трамп, објави Скај Њуз.

Во исто време, Трамп им се заблагодари на Катар, Египет и Турција за нивното посредништво и учество во мировните преговори и најави обнова на Газа.

„Мислам дека ќе видите некои огромни земји како се вклучуваат и инвестираат многу пари“, рече Трамп.

Американскиот претседател, како што рече, ќе „вложи напор“ да патува на Блискиот Исток, а церемонијата на потпишување на договорот ќе се одржи во Египет.

Израел и палестинската милитантна група Хамас денес потпишаа договор за прекин на огнот и ослободување на израелските заложници во замена за палестински затвореници, како дел од првата фаза од мировната иницијатива на американскиот претседател Доналд Трамп за завршување на војната во Појасот Газа.

Share on Facebook

Tweet

Follow us

Save