Сергеј Четковиќ се збогува од својот пријател Панчо: „Од прв ден те гледав како брат – како да те знаев цел живот“



„Знаеш, она кога луѓето се препознаваат на прва, како да ги знаеш цел живот. Твојата добрина, насмевка, љубов, ентузијазам и сила секој ден ме воодушевуваа и ме охрабруваа за секој нов ден. Имавме многу планови, идеи…“ – напиша Сергеј Четковиќ, кој беше близок соработник со Панчо, но и искрен пријател.

Веста за смртта на Владимир Блажев Панчо ја погоди цела македонска јавност, но и регионот, посебно оние со кои нашиот музичар беше многу близок.

Меѓу нив е и Сергеј Четковиќ, кој погоден од веста, сподели заедничка фотографија со него и напиша емотивно збогување.

Панчо и Сергеј се пријатели од многу одамна, а се запознале во далечната 2011-та на концерт кој црногорскиот пејач го имал во Скопје.

По таа средба тие почнале да соработуваат, но се зближиле и приватно како пријатели и семејство.

Сергеј во својата објава напиша:

Добар мој, од првиот ден те гледав како брат. Знаеш, она кога луѓето се препознаваат на прва, како да ги знаеш цел живот.

Твојата добрина, насмевка, љубов, ентузијазам и сила секој ден ме воодушевуваа и ме охрабруваа за секој нов ден.

Имавме многу планови, идеи… Многу работи што требаше да се направат, раскажат, осмислат…

Патувај брате мој, одмори се. Нека ангелите те одведат на некое подобро место и нека Господ ти подари Рајска населба.

Те сака твојот брат!

Share on Facebook

Tweet

Follow us

Save