Тачи: Албанците во Македонија не треба да се надеваат на владите на Косово и Албанија

Лидерот на Демократската партија на Албанцитe, Мендух Тачи синоќа изјави дека Албанците во земјава не треба да се надеваат на Владата на Косово и на Владата на Албанија.

Тој рече дека двете влади сакаат да помогнат, но немаат моќ да направат ништо повеќе.

„Албанците од Македонија не треба да се надеваат на Владата на Косово и на Албанија, тоа е реалноста. Дали Владата на Косово сака, тие сакаат, но немаат средства, дали Владата на Албанија сака – тие сакаат, но немаат средства. Бидејќи во нивниот Устав пишува: „Премиерот се грижи за државата“. Им реков на Албанците од Македонија, немојте да се залажувате дека Еди Рама и Албин Курти воопшто не се грижат за вас. Тие немаат време ниту средства туку само прават филмови“, рекол Тачи во интервју за косовската „Tëvë1“.

Тачи говореше и за локалните избори и дека главната битка се водела меѓу лидерот на Демократската унија за интеграција, Али Ахмети и Изет Меџити од ВЛЕН. Тој потенцира дека Меџити ја добил оваа битка. Тачи исто така обвини дека Ахмети е виновен за поттикнување тензии во кампањата.

Share on Facebook

Tweet

Follow us

Save