Касами: Mојата поддршка за Дехари беше искрена ама погрешно протолкувана

„Ја побарав довербата од Албанците, Македонците, Турците, Ромите и на сите мои сограѓани и работев за доброто на секој од нив“, изјавува Касами во пресрет на вториот изборен круг.

Градоначалникот на Тетово, Билал Касами, во пресрет на вториот изборен круг, истакна дека за време на неговиот мандат работел за сите граѓани на Тетово, без оглед на нивната етничка припадност.

– Јас сум градоначалник на сите граѓани на Тетово. Ја побарав довербата од Албанците, Македонците, Турците, Ромите и на сите мои сограѓани и работев за доброто на секој од нив – изјави Касами.

Тој нагласи дека Тетово, како град со космополитски карактер, е место каде секој успех и придобивка реализирани во изминатите четири години им припаѓаат и им се радуваат сите граѓани, без разлика.

Можеби ќе ве интересира
ДОЈАВИ ЗА БОМБИ ВО КУМАНОВСКИ УЧИЛИШТА Учениците безбедно…

Во врска со својата претходна изјава за вториот круг избори во Кичево, тој истакна дека таа е извадена од контекст и погрешно интерпретирана.

– Треба да се има предвид контекстот и медиумот во кој беше дадена изјавата, како и околностите во кои потоа беше пренесена. Со тоа целосно се извади од нејзината првична идеја – изјави Касами.

Тој појасни дека изјавата е дадена во момент кога, според него, политичките опоненти се обидувале максимално да ја отворат етничката карта во изборниот процес.

– Изјавата, во моментот кога беше дадена, беше во контекст на тоа што нашите политички опоненти во овие избори се обидоа максимално да ја отворат етничката карта. Целата таа изјава, би рекол, беше искрена, но политички беше погрешно протолкувана – нагласи тој.

Share on Facebook

Tweet

Follow us

Save