Американската војска се приближува кон Венецуела

Сателитските снимки од американски воен брод покажуваат дека американската војска е на нешто помалку од 200 километри од брегот на Венецуела и спроведува воени вежби, објави Sky News. Експертот за одбрана и поранешен полковник на американската армија, Марк Кансијан, изјави дека венецуелскиот режим, под претседателот Николас Мадуро, би можел да ја смета операцијата како „тактика за заплашување“.

Sky News ги потврди сателитските снимки што го прикажуваат USS Iwo Jima, брод кој изведува вежби со боева стрелба, на помалку од 200 километри од брегот на Венецуела.

USS Iwo Jima, амфибиски јуришен брод способен за започнување амфибиски операции, беше виден во придружба на два други разорувачи, на околу 20 километри оддалеченост.

Пристигнувањето следеше по објавувањето дека носачот на авиони „УСС Џералд Р. Форд“ се распоредува во Карипското Море, придружуван од три разорувачи. Аналитичарите велат дека иако носачот на авиони е моќна ударна група со широк спектар на оружје и авиони како што се „Ф/А-18“ и „Ф-35“, тој не е оптимална алатка за борба против трговијата со дрога поради брзината и тешкотијата на идентификување на мали чамци.

Покрај поморската активност, податоците за следење на летот покажуваат зголемена воздушна активност на САД над Карибите, вклучувајќи бомбардери „Б-1“ и „Б-52“ во близина на брегот на Венецуела, како и шест борбени авиони „Ф-35Б“ видени во Порторико на 17 октомври.

Share on Facebook

Tweet

Follow us

Save