Давкова: Во две ситуации бев готова да се обратам во Собрание, но…

Претседателката Гордана Силјановска Давкова потврди дека останува на својата заложба да го користи механизмот за обраќање во Собранието повеќе од еднаш годишно.

„Стојам, имам неколку теми, да, стојам“, изјави претседателката одговарајќи на прашање во емисијата 360 степени на МРТ.

Таа сепак појасни дека мора внимателно да го одмери моментот за таквото обраќање за да се избегнат погрешни толкувања, особено во сензитивни политички периоди.

„Но, понекогаш мора да одмерите. Еве, например, пред изборите (локалните), тоа можеше да биде сфатено поинаку“, рече Силјановска Давкова.

Претседателката додаде дека не може сè да се реализира во првата година од мандатот, како што можеби очекува јавноста.

„Понекогаш не можете тоа, како што некој мисли, сè во првата година. Може да биде тоа и претенциозно“, истакна таа, заклучувајќи: „Јас, како што знаете, ветев и останувам на тоа“.

Share on Facebook

Tweet

Follow us

Save