Рама нема да присуствува на Самитот за проширување на Европската Унија во Брисел

Албанскиот премиер Еди Рама нема да присуствува на Самитот за проширување на Европската Унија што се одржува попладнево во Брисел.

Иако кабинетот на премиерот претходно го најави неговото патување во Брисел, според „Еуроњуз Албанија“, Рама го откажал своето учество. Според Кљан Косова, Рама требало да разговара, заедно со премиерот на Црна Гора Милојко Спајиќ и премиерот на Македонија Христијан Мицкоски, за напредокот на земјите-кандидатки и предизвиците на процесот на европска интеграција.

Самитот ги собира лидерите на земјите-членки на ЕУ и земјите-кандидатки за да разговараат за иднината на процесот на европска интеграција. Албанија сè уште се смета за една од земјите што најбрзо напредува на патот кон членство во Европската Унија, со јасна цел да стане дел од ЕУ до 2030 година.

Share on Facebook

Tweet

Follow us

Save