Парламентот на Црна Гора одобри учество на војската во мисијата на НАТО за поддршка на Украина

Парламентот на Црна Гора денеска гласаше за испраќање црногорски војници во мисијата за помош на НАТО во Украина. Ова беше одлучено на денешната седница.

44 пратеници гласаа „за“, додека пет беа против, а двајца беа воздржани, објавува „Вијести“.

Пратениците од Демократската партија на социјалистите (ДПС), Движењето „Европа сега“ (ПЕС), Демократска Црна Гора, Социјалдемократите (СД), Новата српска демократија (НСД), Граѓанскиот сојуз „ЦИВИС“, Албанскиот форум, Бошњачката партија и независните пратеници гласаа „за“ оваа одлука.
Пратениците од Демократската народна партија (ДНП) и пратеникот на Единствена Црна Гора, Владимир Добричанин, беа „против“, додека пратениците од Социјалистичката народна партија (СНП) се воздржаа.

Share on Facebook

Tweet

Follow us

Save