Министерот Тошковски итно хоспитализран во „Мајка Тереза“, моментално е во стабилна состојба

Вчера кратко пред полноќ, Министерот за внатрешни работи, Панче Тошковски со возило на Итна медцинска помош беше пренесен на Клиниката „Мајка Тереза“ во Скопје, каде бил итно хоспитализиран.

Денеска се огласи на својот Фејсбук профил и ја извести јавноста дека имал успешна хируршка инетревнција и е во стабилна состојба.

“Денеска во Клиничкиот центар „Мајка Тереза“ во Скопје бев подложен на успешна хируршка интервенција и се чувствувам стабилно. Во моментов сум под надзор на лекарите, по што следува краток период на опоравување.

Ве уверувам дека Министерството за внатрешни работи продолжува непречено и ефикасно да функционира согласно утврдените процедури. Целиот тим професионално си ги извршува обврските и моето привремено отсуство нема да има никакво влијание врз тековните процеси и активности, ниту пак врз безбедноста на граѓаните.

Веднаш по завршувањето на периодот на опоравување, се враќам на редовно извршување на моите обврски во полн капацитет.“ – пишува Тошковски

Share on Facebook

Tweet

Follow us

Save