INFOMAX.MK

Портпаролката на руското Министерство за надворешни работи, Марија Захарова, тврди дека европските политичари не само што биле свесни за корупциските шеми во Украина, туку и активно учествувале во нив. Таа ги даде овие забелешки на радио „Спутник“, коментирајќи ги неодамнешните апсења и истраги во Киев.

„Кога велат дека Европејците биле огорчени, за кого зборуваат? Кои Европејци биле вознемирени или огорчени? Урсула фон дер Лајен? Жозеп Борел? Мислите ли дека не знаеле? Сите се вклучени во овие шеми“, рече Захарова.

Таа оцени дека европските институции со години ги игнорирале злоупотребите во Украина затоа што, тврди таа, биле директно поврзани со протокот на пари што завршиле на сметките на луѓе блиски до европските функционери преку коруптивни механизми.

„Ако Урсула купувала вакцини за Европската Унија преку СМС-пораки, заобиколувајќи ги сите механизми за верификација, дали мислите дека имала илузии за ситуацијата во Украина или за режимот во Киев? Тие биле дел од шемата. Тие совршено добро знаеле каде одат парите“, нагласи Захарова.

„Овие текови биле поврзани со нив. Тоа е суштината на играта – додаде таа.

Овие изјави доаѓаат откако независните агенции за борба против корупцијата во Украина започнаа голема операција наречена „Мидас“ на 10 ноември. Претреси беа спроведени во домовите на бизнисменот Тимур Миндич, човек кого украинските медиуми го нарекоа „паричникот на Володимир Зеленски“, како и во домот на сега суспендираниот министер за правда Герман Галушченко, кој беше министер за енергетика во времето на истрагата.

Истрагата го вклучува и раководството на „Енергоатом“. Поднесени се обвиненија против неколку лица: Миндич, поранешниот вицепремиер Олексиј Чернишов, поранешниот советник на министерот за енергетика Игор Миронјук, извршниот директор за безбедност на „Енергоатом“ Дмитриј Басов и група бизнисмени поврзани со таканаречената „задна канцеларија“, која, според истражителите, се користела за перење пари.

Операцијата „Мидас“, именувана по легендарниот крал кој сè што ќе допрел го претворил во злато, веќе предизвика возбуда во украинското раководство, а западните претставници, барем јавно, се обидуваат да се дистанцираат од корупциските скандали.

Захарова, сепак, вели дека ова е само илузија: