Поплави, одрони, вирови и отежнат сообраќај по обилните дождови во Македонија

Поплави, одрони, спасувачка акција и отежнат сообраќај. Влажниот бран што ја зафати Македонија предизвика сериозни проблеми за возачите, пешаците и службите.

Повик за спас на две лица заглавени во автомобил рано утрово била првата работна задача за пожарникарите во Старо Нагоричане. Спасувачката акција резултирала успешно. Лицата биле заглавени до бањата во село Стрновац поради излевање на Пчиња.

И Скопје осамна под темни облаци. Сител направи обиколка – дел од улиците претворени во вештачки езера.

Во Козле, жителите едвај успеаја да ги извадат своите автомобили од поплавените паркинзи.

Службите во ЦУК имале полни раце работа.

Синоптичарите предупредуваат дека во последните два дена најмногу дожд наврналo околу Лазарополе. Врнежите од дожд ќе се задржат до крајот на неделата.

Поради обилните врнежи зголемени се водостоите на реките особено на Вардар. Поради ваквите состојби службите апелираат на внимателно движење покрај реки и езера.

Share on Facebook

Tweet

Follow us

Save