Телото на Миле Тодоров било пронајдено пред половина месец, во неготинско, се вршела идентификација и обдукција

Безживотното телото на младиот Миле Тодоров (28) од Неготино, кој беше пријавен за исчезнат во јануари годинава, било пронајдено на 17 минатиот месец, но потребно било да се изврши идентификација и обдукција, поради непретпознатливост.

Како што неофицијално дознава ,,Фокус”, телото било пронајдено во неготинско, на место каде што немало често движење на луѓе. Исто така, првичните неофицијални информации не укажуваат дека смртта завршила како последица на кривично дело, но сепак проверките се уште траат.

Месеци наназад по него трагаше неговото семејство и полицијата.

Денеска пак неговата сестра на социјалната мрежа Фејсбук објави дека нејзиниот брат е пронајден починат.

„ЛЕТАЈ СО АНГЕЛИТЕ, МИЛО НАШЕ. Нашите срца ќе останат празни без твојот глас, љубов, добрина, насмевка… Болната е голема, но спомените за тебе ќе останат вечни во нашите срца. Почивај во мир и спокој“ напиша таа.

Погребот на Миле Тодоров ќе се одржи утре.

Share on Facebook

Tweet

Follow us

Save