Владата на Црна Гора ги укина визите за граѓаните на Турција

Владата на Црна Гора објави дека ги укинала визите за граѓаните на Турција, со намалување на дозволениот престој од 90 дена на 30, со цел да се спречи нелегалната миграција и во согласност со визната политика на Европската Унија.

Одлуката донесена без одржување седница, врз основа на согласноста на мнозинството членови, е дел од поширок пакет мерки за усогласување на визната политика со Европската Унија, што вклучува и прилагодување на визната политика во однос на трети земји, во овој случај Азербејџан, за чии граѓани политиката ќе биде усогласена до 15 јануари, се вели во соопштението на Владата.

Црна Гора воведе визи за турските граѓани веднаш по инцидентот во Жабјело, Подгорица, на 26 октомври, кога беше повреден маж од Подгорица. Полицијата приведе двајца турски државјани, по што мештаните демонстрираа против Турците.

Истата вечер, полицијата приведе десетици турски и азербејџански државјани на проверки, а владата брзо воведе визи.

Share on Facebook

Tweet

Follow us

Save