Декоративни свеќи можна причина за катастрофалниот пожар во барот во Кран-Монтана

Декоративни свеќи поставени блиску до плафонот на барот се наведува како можна причина за пожарот во барот во швајцарскиот ски-центар Кран-Монтана, пренесува швајцарскиот весник „Темп“, повикувајќи се на сведочењата на две Французинки кои биле во објектот.

Тие навеле дека свеќите, забодени во празни шишиња од шампањ, биле закачени премногу блиску до дрвениот плафон, кој лесно се запалил, а огнот брзо се проширил и на подот на барот. Како што наведуваат, целиот ентериер бил направен од дрво и пожарот брзо се раширил. Во паника, гостите на барот се обиделе да побегнат низ влезната врата.

Share on Facebook

Tweet

Follow us

Save