Црква стара 154 години изгоре во Амстердам

Црквата Вонделкерк, стара 154 години, во Амстердам, Холандија, беше целосно изгорена во пожар на новогодишната ноќ, но никој не беше повреден, објавија холандските медиуми.

Властите рано утрово соопштија дека црквата е целосно изгорена. Пожарникарите сè уште се борат со пожарот што избувна кратко по полноќ за време на новогодишните прослави.

Пожарот предизвика уривање на делови од кулата и покривот, што доведе до евакуации и прекин на електричната енергија на околу 90 куќи во близина, објави NL Times.

Веќе нема стравувања од понатамошно уривање на црквата откако пожарот, кој е под истрага, беше изгаснат.

Вонделкерк е изградена во 1872 година и служела како римокатоличка црква до 1977 година. Оттогаш, се користи за разни настани.

Share on Facebook

Tweet

Follow us

Save