INFOMAX.MK

Венецуелската влада соопшти дека „ја отфрла и осудува американската воена агресија“. САД се обвинети за обид за „присвојување на стратешките ресурси на Венецуела, особено нафтата и минералите, обидувајќи се насилно да ја скршат политичката независност на земјата“ објави CBS.

„Таквата агресија го загрозува меѓународниот мир и стабилност, особено во Латинска Америка и Карибите, и сериозно ги загрозува животите на милиони луѓе“.

Војници и оклопни возила беа видени на улиците на главниот град на Венецуела, Каракас, откако најмалку седум експлозии го потресоа ноќта помеѓу петокот и саботата.

Аеродромот Игерото, кој се наоѓа на околу 20 километри западно од Каракас, наводно бил цел на нападот, но засега нема официјални информации за потврда на ова.

Засега нема коментар од Белата куќа, а венецуелскиот претседател Николас Мадуро прогласи „состојба на надворешна закана на целата национална територија, со цел да се заштитат правата на населението, целосното функционирање на републиканските институции и веднаш да се премине на вооружена борба“.

„Целата земја мора да се мобилизира за да ја победи оваа империјалистичка агресија“, се вели во соопштението.

BREAKING 🚨 Explosions in Caracas, capital of Venezuela. Reports of US Army CH-47 ‘Chinook’ helicopters flying over. Total electricity blackout. pic.twitter.com/p4amRSvico
— Toria Brooke (@realtoriabrooke) January 3, 2026