Сообраќајна несреќа кај Петровец, на терен итните служби!

Вечерва на автопатот Скопје–Велес, кај Петровец се случи сообраќајна несреќа во која, според првичните информации, едно патничко возило излетало од коловозот и удрило во заштитната ограда (банкина).

На местото на настанот веднаш интервенирале екипи на Брза помош, полицијата и противпожарната служба.

Поради интервенцијата и увидот, сообраќајот се одвивал забавено, со краткотрајни застои во движењето на возилата, но истиот не е блокиран односно се пропуштаат возила.

Засега нема официјални информации за евентуално повредени лица.

Од Министерството за внатрешни работи се очекуваат детали за причините за несреќата и за состојбата на учесниците во сообраќајот.

Share on Facebook

Tweet

Follow us

Save