Поднесен предлог до Парламентот за повлекување на Франција од НАТО

Во Франција, за прв пат беше поднесен парламентарен предлог со кој се бара повлекување на земјата од НАТО, а иницијативата ја иницираше потпретседателката на Националното собрание и членка на левичарската партија Неосвоена Франција (LFI), Клеманс Гет.

Резолуцијата бара раскинување со западниот воен сојуз и доаѓа во време на растечки сомнежи за улогата на САД и насоката на европската безбедносна политика, пишува „Берлинер Цајтунг“.

Гет изјавила дека политиките на Соединетите Американски Држави, вклучувајќи го „нелегалното киднапирање на претседателот на Венецуела (Николас Мадуро)“, заканите кон Гренланд, санкциите против европските претставници и наметнувањето трговски договори – покажуваат дека САД „ефикасно ѝ доделуваат на ЕУ статус на вазална држава“.

Таа верува дека членството на Франција во НАТО ја изложува земјата на стратешки ризик и би можело да ја вовлече во конфликти што не се во согласност со нејзините интереси.

Share on Facebook

Tweet

Follow us

Save