ОЈО ГОКК бара куќен притвор и одземање на патната исправа на судијата во чиј дом беа пронајдени 350.000 евра

ОЈО ГОКК бара куќен притвор и одземање на патната исправа на судијата во чиј дом беа пронајдени 350.000 евра.

– Денеска предметниот јавен обвинител од ОЈО ГОКК го сослуша осомничениот судија и му ги предочи прибраните докази врз основа на кои се темели основаното сомневање дека ги сторил делата што му се ставаат на товар.
Ценејќи ги објективните услови што е потребно да бидат исполнети за определување на мерка за обезбедување присуство, како и субјективните што истата ја оправдуваат, на судијата на претходна постапка при Основниот кривичен суд Скопје јавниот обвинител му достави предлог на осомничениот да му биде определена мерка куќен притвор.
Освен оваа мерка, предложено е и определување на мерка на претпазливост – привремено одземање на патна или друга исправа за преминување на државната граница, односно забрана за нејзино издавање. – соопштија денес од Основното јавно обвинителство за гонење на организиран криминал и корупција.

Ристов се товари за противправно стекнување и прикривање имот за кој постојат сомненија дека е прибавен меѓу другото со дејствија на корупција и трговија со влијание.

Share on Facebook

Tweet

Follow us

Save