INFOMAX.MK

Крилото на Алијанса за Албанците предводена од Зијадин Села го оспори Законот за прекршоци пред Уставниот суд и пред воопшто да почне да функционира системот „Безбеден град“. Противуставноста на Законот според Села е бидејќи пораките кои граѓаните ќе ги добиваат за направените прекршоци не се двојазични, дека казните се испраќаат преку пораки, но и поради селективната примена на Законот само во три града.

-Поднесовме иницијатива до Уставниот суд во врска со уставноста на Законот за прекршоци кој се донесе со цел имплемемтирање на таканаречениот проект „Безбеден град“. Овој закон кој се однесува на целото население во Македонија никако не е дозволено да помине по скратена постапка. Зошто проект кој повеќе месеци се промовираше од Владата, иницијативата за законот беше предложена од пратеници. Што сака да сокрие Владата и зошто самата не ги предложи измените? Законот има многу прашања кои задираат врз рамноправноста на граѓаните – премиерот, претседателот и функционерите треба да ги почитуваат законите. Почнувајќи од премиерот сите треба да го почитуваат Законот за јазиците без оглед кој е нивниот политички став. Во Законот треба да пишува дека пораките треба да бидат двојазични. Несериозно е за една држава казна да се испраќа преку порака. Со закон не сме обврзани да носиме телефон да имаме имејл адреса, а законска должност ми е да имам адреса на место на живењење. Во спротивно ако го сменам телефонскиот број или имејл адресата ќе треба тоа да го пријавам во полиција – рече Села.

Тој додаде дека граѓаните треба да бидат еднакви пред Уставот и дека не може проектот да се имплементира само во три града.