Села за „Сејф сити“: Во Чаир има повеќе камери отколку во остатокот од Скопје

Претседателот на едното од трите крила на Алијансата за Албанците, Зијадин Села синоќа повторно изрази загриженост и дилеми во врска со проектот „Безбеден град“, истакнувајќи ја несовпаѓањето помеѓу технолошките инвестиции и реалната состојба на инфраструктурата во некои општини.

Села нагласи дека Општина Чаир, која според него нема соодветно развиена инфраструктура, се опремува со најсовремена технологија во комуникацијата, што отвора сериозни прашања за приоритетите на владата.

„Не знам колку оваа Влада навистина се грижи за граѓаните. Не разбирам зошто Владата брзаше да го донесе овој закон без соодветна дебата и без да отвори важни теми поврзани со овој проект, кој според самата Влада е многу важен. Исто така, сметаме дека нема ништо лошо во тоа што безбедноста на граѓаните се зголемува секој ден, но всушност се појавуваат многу дилеми“, изјавил Села.

Тој во емисијата „Дебата на Шења“ додал дека е бесмислено општина со инфраструктура што „не личи на овој век“ да има најсовремена технологија во сообраќајот, или бројот на камери во Чаир да биде поголем отколку во другите општини.

„Денес може да се случи да има повеќе камери на улицата „Џон Кенеди“ отколку во остатокот од градот Скопјe“, заклучил Села.

Почетокот на функционирањето на системот „Безбеден град“ е целосно успешен, а бројот на прекршоци и казни е драстично намален, информираат од Министерството за внатрешни работи. Од таму велат дека бројот на прекршоци и казни е намален од 120.000 на само 500 за два месеци, со што намален и е бројот на повредени и загинати во сообраќајни незгоди.

Во рамки на Градот Скопје, бројот на повредени лица е намален за околу 35%, а бројот на смртни случаи паднал од 11 на 4. Овие резултати ги постигнавме благодарение и на совесноста на граѓаните, истакна ресорниот министер Панче Тошковски.

Share on Facebook

Tweet

Follow us

Save