Нов вирус ги загрижува научниците – предизвикува неподнослива болка во зглобовите

Тропската болест чикунгуња, која предизвикува силна и долготрајна болка во зглобовите, може да се пренесе преку комарци низ поголемиот дел од Европа, се наведува во нова студија.

Научниците предупредуваат на „шокантно“ откритие – вирусот чикунгуња, познат по предизвикување на неподносливи болки во зглобовите, сега може да се шири и на температури многу пониски од претходно проценетите.

Најновата студија објавена во „Journal of Royal Society Interface“ открива дека минималната температура за пренос на вирусот е спуштена на само 13°C, што значи дека јужна Европа (Шпанија, Италија, Грција) е под ризик дури шест месеци во годината.

Она што до пред 20 години изгледаше невозможно, сега е реалност. Глобалното затоплување и инвазивниот азиски тигрест комарец ја носат оваа тропска болест дури и до Англија и Белгија. Експертите предупредуваат дека последиците се катастрофални – кај 40% од заразените, болките слични на артритис траат и до пет години по инфекцијата.

Share on Facebook

Tweet

Follow us

Save