Зеленски: Украинските преговарачи утре ќе се сретнат со американската делегација

Украинскиот претседател Володимир Зеленски објави дека украинските преговарачи ќе се сретнат со американската делегација утре, што го потврди во разговор со новинарите, објави „Скај Њуз“.

Според него, тимот предводен од главниот преговарач Рустем Умеров ќе се сретне со специјалниот претставник на Доналд Трамп, Стив Виткоф, неговиот зет Џаред Кушнер и други американски претставници. Теми на разговор ќе бидат „пакетот за просперитет“ и економската соработка.

Зеленски, исто така, додаде дека се во тек подготовки за нова трилатерална средба со Русија, за која Киев се надева дека ќе се одржи на почетокот на март.

Share on Facebook

Tweet

Follow us

Save