Сообраќајна расправија ескалирала во закани со оружје во Карпош

Инцидент со закани со огнено оружје бил пријавен вчера во Скопје, откако сообраќајно недоразбирање меѓу двајца возачи ескалирало во сериозен конфликт.

Од Министерството за внатрешни работи информираат дека вчера во 15:00 часот во СВР Скопје, 52-годишниот И.С. од скопското село Сарај пријавил дека околу 11:45 часот на подрачјето на Карпош, додека управувал патничко моторно возило, бил пресретнат од друго возило по претходна расправија во сообраќајот.

Според пријавата, возачот на другото возило застанал, по што му упатил закани со пиштол.

По настанот, случајот бил пријавен во полиција, а од МВР велат дека се преземаат мерки за целосно расчистување и документирање на инцидентот, како и за идентификација на лицето инволвирано во настанот.

Share on Facebook

Tweet

Follow us

Save