Од полноќ поскапува дизелот

Од полноќ за два денари по литар поскапува дизелот, а цената на безините останува иста. Ова е денешната одлука на Регулаторната комисија за енергетика, водни услуги и услуги за управување со комунален отпад (РКЕ), со што се врши зголемување на малопродажните цени на нафтените деривати во просек за 1,17 отсто.

Со тоа, новата малопродажна цена на еуродизел ќе биде 71 денар по литар, а на екстра лесното масло за домаќинство 70 денари за литар.

Еуросупер БС-95 и понатаму ќе се продава за 73,5 денари, а еуросупер БС-98 за 75,5 денари за литар.

Според РКЕ, референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,984 отсто, а кај дизелот за 4,458 отсто, кај екстра лесното масло за 4,405 отсто и кај мазутот за 3,47 отсто.

Share on Facebook

Tweet

Follow us

Save