Шилегов: Најмалку 80% од луѓето не треба да се во судницата за „Пулс“

Одбраната на денешното рочиште за трагедијата во кабарето „Пулс“ повторно побара спојување на постапката со предметот против 13-те полицајци обвинети за истиот настан во Кочани.

За ова денеска пред медиумите говореше адвокатот Петре Шилегов, кој е дел од одбраната на еден од обвинетите во случајот.

„Бидејќи станува збор за ист кривично-правен настан во кој се разгледуваат истите последици, сметаме дека е целисходно сите постапки да бидат ставени на едно место. Ние не знаеме кои докази ќе се изведуваат во другата постапка бидејќи не сме дел од неа“, изјави Шилегов.

Тој додаде дека, имајќи го предвид ставот на Обвинителството дека може да дојде до редукција на бројот на обвинети, одбраната и понатаму смета дека за постојните правни квалификации најмалку 80 проценти од лицата не треба да бидат во судницата.

Share on Facebook

Tweet

Follow us

Save